Stıv Djobstyń neden kóz jumǵandyǵy belgili boldy
ASTANA. 11 qazan. QazAqparat - Apple-diń negizin qalaýshy Stıv Djobstyń qaza bolýyna basqa da múshelerine shaýyp ketken uıqy bezi isiginen deminiń toqtap qalýy sebep bolǵan. Bul jóninde Associated Press Santa-Klara densaýlyq saqtaý departamenti taratqan ólimi týraly kýáligine silteme jasap habarlaıdy.
The New York Times-tyń jazǵanyndaı, Apple negizin qalaýshysynyń ómirin úzgen sebep koroner esebinde bylaı dep kórsetilgen: «metastatıkalyq endokrındik uıqy bezi isigi».
Buǵan deıin BAQ-tarda Stıv Djobstyń isik dertinen kóz jumǵandyǵy habarlandy, alaıda ol beıresmı aqparat bolatyn.
Ólý týraly kýáliginde habarlanǵandaı, Djobs Palo Altodaǵy óz úıinde dúnıeden ozǵan. Tekseris barysynda Djobstyń ishki qurylysyna saraptama júrgizilmedi. Stıv Djobs 2011 jyly 5 qazanda qaıtys boldy. Onda uıqy bezi isigi 2003 jyly anyqtalǵan bolatyn, sonyń saldarynan oǵan qanshama aýyr operatsııalar jasaldy. Apple atasynyń jerleý rásimi 7 qazanda ótti, oǵan tek Djobstyń eń jaqyn týystary men dostary qatysty, dep jazady Lenta.rý.
