Stıv Djobs 2011 jylǵy eń yqpaldy erler tizimin basqardy
ASTANA. 20 qazan. QazAqparat - AskMen.com ınternet-portalynyń nusqaýy boıynsha, Apple kompanııasynyń negizin qalaýshy Stıv Djobs 2011 jyldyń eń yqpaldy er azamattary tizimin basqardy.
«Apple» kompanııasynyń negizin qalaýshy ómirden ozǵannan keıin elder kelesi Stıv Djobs kim bolar eken degen taqyryp qozǵaı bastady. Keıbireýler ol oryn Mark Tsýkerbergtiki dese, kelesileri Larrı Peıdjdiki dep boljady. Alaıda eshqandaı kelesi Stıv Djobs joq. Jáne bolmaıdy da», - dep jazylǵan reıtıngtiń birinshi ornyn usyný túsiniktemesinde. «Stıv Djobs, bizdi ózgeshe oılaýǵa úıretkenińiz úshin úlken rahmet», - dep jazǵan maqala avtory AskMen.com portalynda.
Top-paraqtaǵy ekinshi oryn AQSh Áskerı-teńiz kúshteriniń arnaıy jasaǵy SEAL Team Six múshelerine Ýsama ben Ladenniń kózin qurtý operatsııasyna qatysqany úshin berildi. Reıtıngtiń úshinshi orny bıznesmen, Google basshysy Larrı Peıdjge buıyrdy.
2011 jylǵy eń yqpaldy er azamattardyń alǵashqy bestigin bıznesmen Ýorren Baffett pen mýzykant Kane Ýest bekitti. Sonymen qatar alǵashqy ondyqqa Mohammed Býazızı (Egıpet revolıýtsııasynyń qaharmany - 6 oryn), Brıtanııa hanzadasy Ýılıam (7 oryn), Anonymous (hakerler toby - 8 oryn), Raıan Goslıng (akter - 9 oryn) jáne Lıonel Messı (fýtbolıst - 10 oryn) endi.
