Stıv Barakatt Qazaqstan jaıynda: Ǵajap dınamıkasy bar tanymal jer
ASTANA. KAZINFORM – Esimi álemge áıgili kompozıtor ári pıanıst Stıv Barakatt 8 naýryz - Halyqaralyq áıelder merekesine oraı «Astana Operada» kontsert ótkizý úshin elimizge alǵash ret keldi. Ol Kazinform agenttiginiń tilshisine bergen esklıýzıvti suhbatynda Qazaqstan jáne onyń adamdary jaıly áserimen bólisti.
— Qazaqstanǵa alǵash ret taban tiregenime jáne «Astana Opera» syndy ǵajaıyp mádenı ordada óner kórsetetinime óte qýanyshtymyn. Bul jerdiń aýa raıy Kanadanyń aýa raıyna azdap uqsaıdy eken. Sol jaqta dúnıege kelgen soń qysqy klımatyn jaqsy bilemin. Qazaqstan týraly aıtar bolsam, bul eldiń adamdary erjúrek ekenin sezindim. Jas memleket bolsa da úlken tarıhtaryńyz, salt-dástúrlerińiz bar. Astana men Qazaqstan tóńiregindegi dınamıkany kórdim jáne bul maǵan unaıdy, - dep atap ótti Stıv Barakatt.
Mýzykant Qazaqstannyń jyly qabyl alǵanyn jáne ıÝNISEF jumysynyń mańyzdylyǵyn atap ótti.
— 20 jyldan astam ýaqyttan beri ıÝNISEF-tiń Kanadadaǵy izgi nıetti elshisi bolyp jumys isteımin. Qazaqstannyń balalarǵa kómek kórsetýge, sondaı-aq olardyń ómir súrý sapasyn jaqsartýǵa óte jiti qaraıtynyn bilemin, - dedi ol.
Maestro qazaqstandyqtardyń júzderi jyly, minezderi jaıdary ekenin erekshe atap ótti.
— Azııada birneshe márte boldym jáne bul eýropalyq jáne azııalyq qundylyqtardyń tamasha úılesim tapqan mekeni. Men tarıhtaryńyzdyń keńes odaǵymen baılanysty ekenin bilemin. Qazaqstanda ónerdiń, mýzykanyń jáne balettiń barlyq sulýlyǵyn kóre alasyz. Bul tamasha jer, - dedi Barakatt.
Sondaı-aq mýzykant áńgime arasynda qazaqtyń dástúrli mýzykasyna qyzyǵýshylyq tanytyp júrgenin, bolashaqta jergilikti oryndaýshylarmen tyǵyz qarym-qatynas ornatyp, birlese jumys isteýdi josparlap otyrǵanyn da aıtyp qaldy.
— Folklorlyq mýzykany jıi tyńdaımyn. Ári sizderde Dımash Qudaıbergen sııaqty tanymal ánshiler bar ekenin bilemin. Aldaǵy ýaqytta bul el týraly kóbirek bilgim keledi. Sol sebepti bolashaqta jergilikti mýzykanttarmen yntymaqtastyq ornatýdy josparlap otyrmyn. Bul joly sımfonııalyq orkestrmen óner kórsetemiz jáne aldaǵy birneshe jylda dástúrli mýzykany tereńirek zertteımin, - dedi ol.
Stıv Barakatttyń shyqqan tegi lıvandyq, biraq Kanadanyń azamaty. Ol – kompozıtor, pıanıst, mýzykalyq prodıýser jáne shyǵarmashylyq dırektor. Otyz jyldan astam ýaqytty qamtıtyn óner jolynda kóptegen marapatty ıelengen.
Kontserttik pıanıst retinde Stıv Barakatt bes qurlyqta 500-den astam jandy qoıylyp qoıyp, kórermenderdi emotsıonaldy jáne kúrdeli kompozıtsııalarymen baýrap aldy. Onyń mýzykasy júzdegen teledıdarlyq baǵdarlama men halyqaralyq sporttyq translıatsııalarda, onyń ishinde fýtboldan álem chempıonaty men Formýla-1 gran-prıinde oınaldy.
Kóptegen týyndyny jaryqqa shyǵarǵan mýzykant retinde Stıv Barakatt búkil álem boıynsha 5 mıllıonnan astam albomdy satty. Al onyń mýzykalyq katalogy YouTube-te 250 mıllıonnan astam qaralym jınady. Oryndaýshy jáne artıs retindegi jetistiginen basqa, Barakatt álemdegi eń tanymal resmı ánurandardyń kompozıtory sanalady. Onyń shyǵarmalarynyń arasynda «Besik jyry» (ıÝNISEF ánurany) birlik pen úmittiń qýatty úndeýin bildirdip, bes qurlyqqa taraldy. Tipti halyqaralyq ǵarysh stantsııasy efırinde translıatsııalandy.
Aıta keteıik, Stıv Barakatt «Astana opera» sahnasynda óner kórsetetin birinshi soltústikamerıkalyq kompozıtor ári pıanıst bolmaq.