Stıpendııalyq baǵdarlamalarǵa qatysý úshin qujat qabyldaý merzimi ózgeredi

ASTANA. QazAqparat – Ǵylym jáne joǵary bilim mınıstriniń «Stıpendııalyq baǵdarlamalarǵa qatysýǵa úmitkerlerdi irikteý úshin qaǵıdalardy bekitý týraly» buıryǵyna ózgeris engizilmek, dep habarlaıdy QazAqparat tilshisi.

«Joǵary jáne joǵary oqý ornynan keıingi bilim berý uıymdary stıpendııalyq baǵdarlamaǵa qatysý úshin ýákiletti organǵa kúntizbelik jyldyń 1 aqpanyna deıin ótinishter jiberedi. Ótinish JJOKBU sheteldik stýdentterdi, sonyń ishinde aǵylshyn tilinde qabyldaýdy josparlap otyrǵan bilim berý baǵdarlamalaryn kórsetedi. Stıpendııalyq baǵdarlamalarǵa qatysý úshin qujattardy qabyldaý merzimi kúntizbelik jyldyń 15 naýryzynan 31 mamyryna deıin júrgiziledi», - mınıstr buıryǵynyń jobasynda.

Aıta ketsek, qazirgi talapqa saı, qujattar 30 naýryz ben 30 maýsym aralyǵynda qabyldanady.

«Úmitkerlerdi irikteý rásimin 30 shildege deıin ótkizý maqsatynda qujattardy qabyldaý merzimderine ózgerister engizildi. Bul jaǵdaıda ýnıversıtetterge oqý jyly bastalǵanǵa deıin stıpendıattardyń vızalyq qujattaryn óńdeýge jáne daıyndaýǵa ýaqyt beriledi», - dep túsindirme berilgen buıryqqa.

Qujat 4 mamyrǵa deıin kópshilik talqylaýda bolady.