Stıngtiń kontsertine satylǵan bıletter jeke qujat boıynsha qaıtarylady
ASTANA. 7 shilde. QazAqparat /Arman Asqarov/ - Búgin «Stıngtiń sımfonııalyq týry» dep atalatyn áıgili ánshi Stıngtiń bolmaı qalǵan kontsertine satylyp ketken bıletterdi qaıtarý jumysy bastalady.
Astana kúnine oraı josparlanǵan Stıngtiń kontserti Respýblıkalyq velotrekte 6 shilde kúni ótýi tıis bolǵan. Ókinishke qaraı, uıymdastyrýshylyq-tehnıkalyq sebepterge baılanysty áıgili ánshi Astanaǵa kelmedi. Bıletterdi taratý bóliminiń aqparaty boıynsha Astana, Qaraǵandy jáne Almaty qalalarynda 5 myńǵa jýyq bılet satylyp ketken. Bul bar bıletterdiń 70 paıyzy. Astana boıynsha satylǵan bıletterdiń sany 4,5 myńnyń shamasynda.
Búgin Stıngtiń kontsertine satylyp ketken bıletterdiń aqshasyn qaıtarý jumysy bastalady. Uıymdastyrý komıteti taratqan málimetke sáıkes bıletti qaıtarý kezinde azamattardyń jeke qujattary bolýy shart. Meken-jaılar: Astana («Jastar» saraıy, tel. 46-68-53, 55-75-75), Qaraǵandy ( «Qazaqstan» bıznes ortalyǵy, tel. 90-94-81), Almaty (Qazybek bı kóshesi 50, 101 keńse, tel. 317-90-22).
