Stıngtiń bolmaı qalǵan kontsertine satylyp ketken bıletterdiń quny túgeldeı qaıtarylady
ANA. 15 shilde. QazAqparat /Rýslan Ǵabbasov/ - Stıngtiń bolmaı qalǵan kontsertine satylyp ketken bıletterdiń quny túgeldeı qaıtarylady. Bul týraly búgin Zakon.kz aqparattyq portalyndaǵy beıne-onlaın konferentsııa barysynda Premer-Mınıstr Kárim Másimov aıtty.
Beıne-onlaın konferentsııa barysynda Úkimet basshysyna «Stıngtiń án keshine bılet satyp aldyńyz ba, satyp alsańyz bolmaı qalǵan kontsert úshin bılet qunyn qaıtardy ma?» ,-dep qoıǵan saýalǵa K. Másimov: «Men bıletti satyp alýǵa úlgermedim. Atap aıtqanda, qala ákimi Imanǵalı Tasmaǵambetov atalǵan kontserttiń bıletteriniń quny barlyǵyna qaıtarylatyny týraly maǵan baıandady»,-dedi.
Esterińizge sala keteıik, budan buryn «Stıngtiń sımfonııalyq týry» dep atalatyn áıgili ánshi Stıngtiń bolmaı qalǵan kontsertine satylyp ketken bıletterdi qaıtarý jumysy bastalǵan bolatyn.
Astana kúnine oraı josparlanǵan Stıngtiń kontserti Respýblıkalyq velotrekte 6 shilde kúni ótýi tıis bolǵan. Ókinishke qaraı, uıymdastyrýshylyq-tehnıkalyq sebepterge baılanysty áıgili ánshi Astanaǵa kelmedi. Bıletterdi taratý bóliminiń aqparaty boıynsha Astana, Qaraǵandy jáne Almaty qalalarynda 5 myńǵa jýyq bılet satylyp ketken. Bul bar bıletterdiń 70 paıyzy. Astana boıynsha satylǵan bıletterdiń sany 4,5 myńnyń shamasynda.
