Stepnogorskidegi kúkirt qyshqyly zaýyty tolyq qýatyna shyqty

KÓKShETAÝ. QazAqparat - Aqmola oblysynyń Stepnogorsk qalasyndaǵy kúkirt qyshqyly zaýyty tolyq qýatyna shyqty, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.

Zaýyt dırektory Tóleýjan Jeksembaevtyń aıtýynsha, «Stepnogorsk taý-ken hımııa kombınaty» JShS 2008 jyly «Qazatomónerkásip» kúkirt qyshqyly zaýyty birlesken kásiporny» JShS bolyp qaıta qurylǵan bolatyn. Jańa kásiporyn otandyq shıkizat- kesek kúkirt qyshqylyn óndirýmen aınalysady.  

«Kásiporynda 2015 jyldyń sońynda alǵashqy kúkirt qyshqyly óndirile bastaldy. Al,  2016 jyldyń aıaǵynda zaýyt jylyna 180 myń tonna kúkirt qyshqylyn óndirý boıynsha tolyq qýatyna shyqty»,-  dedi Tóleýjan Jeksembaev.

Quny 13,3  mıllıard teńge turatyn ınvestıtsııalyq jobasy elimizdegi 2010-2014 jyldarǵa arnalǵan ÚIID baǵdarlamasy jáne 2015-2019 jyldarǵa arnalǵan Indýstrııalandyrý kartasy sheńberinde júzege asyrylyp otyr.

Kúkirt qyshqyly zaýytyn qalpyna keltirý 222 adamdy turaqty jumyspen qamtýǵa múmkindik berip otyr. Jumysshylardyń ortasha aılyǵy 154 526 myń teńgeni quraıdy.

Eske sala keteıik, Aqmola oblysynyń kásipkerlik jáne ónerkásip basqarmasynyń deregi boıynsha, oblys aýmaǵynda 2015-2017 jyldar aralyǵynda quny 815,2 mıllıard teńgege 110 joba júzege asyrylǵan. Osynyń arqasynda 13 myń jańa jumys orny ashyldy.