Stepnogorskide tyl ardageriniń 1,2 mln teńgesin jymqyrǵan alaıaqtar ustaldy
KÓKShETAÝ. QazAqparat - Stepnogorsk qalasynda tyl ardageriniń 1,2 mıllıon teńge aqshasyn alaıaqtyq jolmen jymqyryp ketken kúdiktiler qolǵa tústi, dep habarlaıdy QazAqparat tilshisi Aqmola oblystyq ІІD baspasóz qyzmetine silteme jasap.
Polıtseılerdiń deregi boıynsha oqıǵa sáýirdiń 9-ynda bolǵan.
«89 jastaǵy zardap shegýshiniń sózinshe, onyń úıine beıtanys eki áıel kelip, bal satyp alýdy usynǵan. Kúdiktiler qarııaǵa kóz tııý jáne dýadan alastaımyz dep sendiredi. Olardyń bul «qyzmeti» úshin qarııa tóleıtin aqshasyn baryn aıtady. Tipti, aqshasynyń qaıda saqtaýly turǵanyn da bildirip qoıady. Osylaısha, kúdiktilerdiń biri qarııanyń kóńilin aýlap turǵanda, ekinshisi ústeldiń sýyrmasynda jatqan 1 200 000 aqshasyn jymqyryp úlgeredi.
Jedel - izdestirý sharalaryna Stepnogorsk qalalyq ІІB jeke quramy tartyldy. Nátıjesinde Qaraǵandy jáne Jambyl oblystarynan kelgen kúdikti eki áıel ustaldy. Olardan 1,2 mıllıon teńge aqsha tárkilenip, zańdy ıesine qaıtaryldy», - dep málim etti baspasóz qyzmeti.
Qazirgi kezde, osy oqıǵaǵa baılanysty QR QK-niń 188-baby 2-bólimi boıynsha sotaldy tergeý amaldary qolǵa alyndy.
Foto: sputnik.md
