Stepnogorskide múmkindigi shekteýli balalardyń oıyn alańy ashyldy
«Qazirgi kezde qalada múmkindigi shekteýli balalarǵa tıisti jaǵdaı jasaýǵa arnalǵan kóptegen ister atqarylýda. 2007 jylǵy jeltoqsan aıynda qurylǵan, aıryqsha balalarǵa arnaıy áleýmettik kómek kórsetý jónindegi bólimsheniń osy baǵytta atqarylyp jatqan jumystarǵa qosqan úlesi kóp. Atalǵan bólimshede 70-ten astam balalar logopedtiń, psıhologtyń, áleýmettik pedagogtyń qyzmetterin alady, osy jerde daıarlanǵan qyzyqty is-sharalarǵa qatysa otyryp, balalar men ata-analar barlyq merekelerdi qarsy alady.
Balalardyń sporttyq oıyn alańynyń bolmaýy bólimsheniń kópten beri sheshimin taba almaı kele jatqan túıindi máselesi bolatyn. Búgin mine, qala kúni jáne Astananyń 20-jyldyq mereıtoıy qarsańynda osyndaı tamasha sport alańynyń ashylýy áleýmettik kómek kórsetetin bólimsheniń qyzmetine júginetin balalar úshin aıryqsha syı boldy», deıdi atalymshy bólimshe dırektory Lıdııa Beloglıadova.
Oıyn alańynyń ashylýy «Rýhanı jańǵyrý» memlekettik baǵdarlamasyn júzege asyrý aıasynda «Stepnogorsk EPK» AQ bas dırektory, oblystyq máslıhattyń depýtaty Anatolıı Tomılovtyń qoldaýy nátıjesinde júzege asyrylyp otyr. Sáýir-mamyr aılarynda «Stepnogorsk EPK» AQ múmkindigi shekteýli balalardyń jattyǵýy úshin beıimdelgen jeti shaǵyn sporttyq-oıyndyq nysandardy qurastyryp, ázirledi. Sondaı-aq alańdy qorshaý, jumsaq tósenishter salý jumystary atqarylyp, shaǵyn sporttyq nysandar men demalýǵa arnalǵan oryndyqtar ornatyldy. Qala ákimi Ánýar Kúmpekeev Stepnogorlyqtardy-balalar men olardyń ata-analaryn jańa sport alańynyń ashylýy jáne aldaǵy merekelermen quttyqtap, sportty serik etýdi tiledi. Jańa alańda bos ýaqyttaryn ótkizip, árbir balanyń qýaty tolysyp, jyldam ári shymyr bolyp ósetinine senim bildirdi.
Dástúrli lenta qııý quqyǵy «Stepnogorsk EPK» AQ bas dırektory Anatolıı Tomılovke jáne Múmkindigi shekteýli balalarǵa arnaıy áleýmettik kómek kórsetý jónindegi bólimsheniń dırektory Lıdııa Beloglıadovaǵa berildi. Budan keıin ertegi keıipkerleri «Órmekshi-adam» jáne «Sýpermenniń» bastaýymen balalar jáne olardyń ata-analary, mereke qonaqtary jańa oıyn alańynyń birinshi kelýshileri boldy.
«Týǵan qalamyzdyń balalaryna qýanysh syılaý-keremet is!»-degen A.Tomılovtyń sózi balalardyń júzindegi kúlki men kózindegi qýanyshtan kórinis taýyp turdy.
