Stepnogorskide bank bólimshesiniń dırektory men kassır 255 mıllıon teńgeni jymqyrdy degen kúdikke ilindi

ASTANA. QazAqparat - 2022 jyldyń jeltoqsanynda Stepnogorsk qalasynda ornalasqan bankterdiń biriniń fılıaldaryn josparly tekserý barysynda banktiń asa iri mólsherdegi qarajatynyń jetispeıtini anyqtaldy.

Bul týraly QazAqparat Polisia.kz saıtyna silteme jasap habarlaıdy.

Ondaǵy málimetterge qaraǵanda, atalǵan faktige sáıkes QR QK 189-baby 4-bóligi 2-tarmaǵy boıynsha sotqa deıingi tergeý bastaldy (senip tapsyrylǵan bóten múlikti ıemdenip alý nemese talan-tarajǵa salý).

Aldyn ala aqparat boıynsha, bir-birimen sóz baılasqan aıyptalýshylar eshbir qylmystyq shemasyz jáne shottardy burmalaýsyz joǵaryda atalǵan somany bir aı ishinde kassadan alyp shyqqan.

«Qylmystyq isti tergeý jalǵasýda»,-delingen habarlamada.