Stepnogorskide altyn shyǵaratyn zańsyz tseh anyqtaldy
ASTANA. QazAqparat - Stepnogorskide polıtseıler altyn kenin óńdeıtin zańsyz tsehty anyqtady, dep habarlaıdy «QazAqparat» HAA Aqmola ІІD baspasóz qyzmetine silteme jasap.
«Jedel-izdestirý sharalary barysynda altyndy qazý, satyp alý jáne óńdeýmen zańsyz aınalysqan tulǵalar anyqtaldy. Zavodskaıa aýylyndaǵy burynǵy armatýra zaýytynyń aýmaǵynda altyn shyǵaratyn tseh, atap aıtqanda, ýatqysh apparat, jýý ústeli jáne jalpy salmaǵy 400 kg 13 qap altyn tabyldy», - delingen habarlamada.
Zańsyz qyzmetti 47 jastaǵy Stepnogorsk turǵyny uıymdastyrǵan, tintý barysynda onyń qosalqy úı-jaıynan 10 gr shaıma altyn tabylǵan.
Qazirgi kezde osy fakti boıynsha QR QK 334-babynyń («Jer qoınaýyn óz betinshe paıdalaný») 1-bóligine sáıkes qylmystyq is qozǵaldy.
