Stepnogorskide zańsyz altyn óndirgen top ustaldy
ASTANA. KAZINFORM – Stepnogorskide polıtsııa baǵaly metaldardyń zańsyz aınalymyn áshkereledi. Bul týraly ІІM baspasóz qyzmeti habarlady.
26 qarashada Stepnogorsk qalasynda polıtsııa qyzmetkerleri jedel-izdestirý jáne tergeý is-sharalarynyń keshenin júrgizý nátıjesinde, quramynda altyn bar shıkizatty zańsyz óńdegen adamdardy ustady. Zavodskoı kentiniń aýmaǵynda polıtseıler eki jasyryn tsehty anyqtady.
Ustaý kezinde zańsyz izdeýshilerdiń eki brıgadasy bolǵan. Olardyń quramynda altyny bar materıaldan arnaıy jabdyqty paıdalana otyryp, altyn alý protsesin uıymdastyrǵany anyqtaldy.
Oqıǵa oryndaryn tekserý jáne tintý is-sharalaryn júrgizý barysynda quramynda 800 kelige jýyq altyn bar materıal, eki qaıta óńdeý qurylǵysy, sondaı-aq 30 gramm altyn tárkilendi. Atalǵan faktiler boıynsha qylmystyq is qozǵaldy.
Zańǵa qaıshy qyzmetke qatysy bar azamattarǵa qatysty tergeý amaldary júrip jatyr.
Aıta ketelik Almatyda bir top adam Qytaı azamattarynan 5,5 mln teńge bopsalaǵan.