Stepnogorskide pedagogtarge 1,8 mln teńge issapar shyǵyny tólenbeı kelgen
ASTANA. KAZINFORM — Stepnogorsk qalasynyń prokýratýrasy ótkizilgen taldaý nátıjesinde qalalyq bilim bólimi tarapynan Qazaqstan Respýblıkasy Eńbek kodeksiniń talaptary buzylǵany anyqtaldy. Bul týraly Aqmola oblysynyń prokýratýrasy málim etti.
— Pedagog qyzmetkerlerdi oqytý aıaqtalǵannan keıin zańnamada kózdelgen issapar shyǵyndary birneshe aı boıy ótelmeı, 11 pedagogke jalpy somasy 1,8 mln teńgeden astam tólenbegen. Bul mán-jaılar pedagog qyzmetkerlerdiń eńbek quqyqtarynyń buzylýyna ákep soqty, — delingen habarlamada.
Prokýrorlyq qadaǵalaý aktisi boıynsha anyqtalǵan zań buzýshylyqtar joıylyp, bereshek tolyq kólemde óteldi, kináli laýazymdy tulǵalar tártiptik jaýapkershilikke tartyldy. Prokýratýra azamattardyń eńbek quqyqtaryn qorǵaý jáne eńbek zańnamasynyń saqtalýyn qamtamasyz etý baǵytyndaǵy jumysty turaqty baqylaýda ustaıdy.
Aıta keteıik, buǵan deıin prokýratýra aralasqannan keıin pedagogterge 7,2 mln teńge tólengen bolatyn.
