Stepnogorsk jylyjaıy salat qospasyna qajetti kókónis túrlerin ósirýdi qolǵa alýda
KÓKShETAÝ. QazAqparat - Stepnogorskidegi «Qazaqstannyń jylyjaı kesheni» JShS salat qospasyna qajetti kókónis túrlerin ósirýdi qolǵa alýda. Bul týraly aımaq basshysy Məlik Myrzalınniń óńirge jumys sapary barysynda aıtyldy, dep habarlaıdy «QazAqparat» HAA tilshisi.
Seriktestik basshysy Aleksandr Grıbalevtyń aıtýynsha, óńirdiń ındýstrııalandyrý kartasyna engen kásiporyn óndiris kólemin ulǵaıtýdy kózdep otyr. Qazirgi kezde munda tamshylatyp sýarý ádisi boıynsha qııar men qyzanaqtyń kóp túri ósirilýde. Aldaǵy ýaqytta salat qospasyna qajetti kókónis túrlerin ósirip, óndiris kólemin arttyrý kózdelip otyr.
«Burynǵy qarapaıym tehnologııa boıynsha kúnine 500 qaptama ǵana salat qospasy jınalsa, zamanaýı jeliden bir kúnde 2 myń qaptamaǵa deıin ónim alynbaq. Jańa jeli jyl boıy jumys isteı beredi. Keshenniń aýmaǵy 3,5 gektar. Ótken jyly gektar kólemin ulǵaıttyq. Aldaǵy 17-18 jyldary jylyjaı kólemin 6 gektarǵa deıin ulǵaıtyp, qulpynaı jáne qyzanaq kólemin arttyramyz. Byltyr jazda 2,5 gektar jerge biz qulpynaı ósirip synap kórdik. Osy kúni jylyjaıda 100 adam jumys istese, óndiris kólemi ulǵaıtylǵan kezde 150-160 adamǵa jetpek», dep atap ótti Aleksandr Grıbalev.
