Stepnogorsk qalasyndaǵy kópqabatty úıden 40-qa jýyq adam evakýatsııalandy
KÓKShETAÝ. QazAqparat - Stepnogorks qalasyndaǵy kópqabatty úıden shyqqan órt kezinde 3 adam qutqarylyp, 35 adam qaýipsiz aýmaqqa shyǵaryldy, dep habarlaıdy QazAqparat Aqmola oblystyq Tótenshe jaǵdaılar departamentine silteme jasap.
Vedomstvonyń aqparaty boıynsha, 7 naýryz kúni Stepnogorsk qalasynda kópqabatty úıdegi páterlerdiń birinen órt shyqty.
«Jalyn sharpyǵan aýmaq 30 sharshy metrdi qurady. Órt sóndirýshiler 3 adamdy qutqaryp, 35 adamdy evakýatsııalady»,-dep habarlady Aqmola oblystyq Tótenshe jaǵdaılar departamenti.
Málim bolǵanyndaı, órt birinshi qabattaǵy páterlerdiń birinen shyqqan jáne onda tótenshe jaǵdaı bolǵan ýaqytta eresekterdiń qadaǵalaýynsyz 3 bala otyrǵan. Abyroı bolǵanda kórshileri tútinniń ıisin sezgen bette balalardy páterden alyp shyǵyp, «101» nómirine telefon shalǵan.
«Órtti sóndirý kezinde órt sóndirýshiler kórshiles páterlerden qoıý tútinniń saldarynan syrtqa shyǵa almaı qalǵan 3 áıeldi qutqardy. Tútin joǵarǵy qabattaǵy páterlerge de taraı bastaýyna baılanysty ol jaqtan 35 adam evakýatsııalandy»,-dep tolyqtyrdy vedomstvo ókilderi.
Oqıǵadan zardap shekken nemese mert bolǵandar joq. 
Oksana Matasova
