Stepnogorsk qalasynda jergilikti aýqymda tehnogendik sıpattaǵy tótenshe jaǵdaı jarııalanady

ASTANA. QazAqparat - Stepnogorsk qalasy aýmaǵynda jergilikti aýqymdaǵy tehnogendik sıpattaǵy tótenshe jaǵdaı jarııalanady, dep habarlaıdy QazAqparat tilshisi.

«Aqmola oblysy Stepnogorsk qalasy aýmaǵynda jergilikti aýqymdaǵy tehnogendik sıpattaǵy tótenshe jaǵdaı jarııalansyn», - delingen ashyq normatıvtik-quqyqtyq aktiler portalynda jarııalanǵan Stepnogorsk qalasynyń ákimi Alpysbaı Qaıyrjanovtyń sheshim jobasynda.

Sonymen qatar qujatta Stepnogorsk qalasy ákiminiń orynbasary Q.Orynbasarov tehnogendik sıpattaǵy tótenshe jaǵdaıdy joıý basshysy bolyp taǵaıyndalatyndyǵy jáne tehnogendik sıpattaǵy tótenshe jaǵdaıdy joıýǵa baǵyttalǵan is-sharalardy júrgizetindigi aıtylǵan.

Taıaýda ǵana tolassyz jaýǵan jańbyr saldarynan sý shaıyp ketken Almaty oblysy Jambyl aýdanyna qarasty 5 aýylda tótenshe jaǵdaı jarııalanǵan edi.