Stepnogorsk qalasynyń ákimi jaýapkershilikke tartyldy
ASTANA. KAZINFORM – Stepnogorsk qalasynyń prokýratýrasy júrgizgen tekserý barysynda qabyldanǵan sharalardyń nátıjesinde qala turǵyndarynyń 8 myńnan astamynyń quqyqtary qorǵaldy, olarǵa tutynylǵan jylý energııasy úshin tólem zańsyz eseptelgen.
41 kóppáterli turǵyn úıde jylý energııasy úshin tólem naqty esepke alý aspaptarynyń kórsetkishteri boıynsha emes, belgilengen normatıvter negizinde eseptelgeni, sonyń saldarynan tutynýshylar úshin tólemderdiń negizsiz ulǵaıǵany anyqtaldy.
Atalǵan faktiler jylýmen jabdyqtaýshy uıym tarapynan «Jylý energetıkasy týraly» zań talaptarynyń buzylǵanyn, sondaı-aq jergilikti atqarýshy organnyń jylytý maýsymyna daıyndyqty qamtamasyz etý jónindegi memlekettik baqylaýdy tıisinshe júzege asyrmaǵanyn kórsetedi.
Prokýrorlyq qadaǵalaý aktisi boıynsha qaladaǵy 8 myńnan astam turǵynǵa jylý energııasy úshin tólem qaıta eseptelip, onyń jalpy somasy 8,1 mln teńge boldy.
Jol berilgen zań buzý úshin qala ákimi tártiptik jaýapkershilikke tartyldy.
Zańdylyqty qamtamasyz etý jáne azamattardyń quqyqtaryn qorǵaý jónindegi odan ári qabyldanatyn sharalar Stepnogorsk qalasynyń prokýratýrasynyń baqylaýynda.
Aıta ketelik Stepnogorskide zańsyz altyn óndirgen top ustaldy.