Stepnogorsk qalasynda «Quqyqtyq dárihana» aktsııasy ótkizildi

ASTANA. KAZINFORM —  Stepnogorsk qalasynyń prokýratýrasy ýákiletti memlekettik organdarmen birlesip, qala turǵyndaryna arnalǵan «Quqyqtyq dárihana» aktsııasyn ótkizdi.

Vedomstvonyń baspasóz qyzmeti atap ótkendeı, is-sharanyń maqsaty — halyqtyń quqyqtyq saýattylyǵyn arttyrý, qoldanystaǵy zańnama normalaryn túsindirý, sondaı-aq quqyqtyq máselelerdi sheshýge kómek kórsetý.

— Aktsııa barysynda ártúrli máseleler boıynsha 100-den astam turǵyn qabyldandy. Barlyq nıet bildirýshilerge áleýmettik qorǵaý, bilim berý, turǵyn úı qatynastary, sondaı-aq qylmystyq jáne ákimshilik zańnama salalaryndaǵy ózekti máseleler boıynsha tegin zań kómegi men konsýltatsııalar kórsetildi, — delingen prokýratýra habarlamasynda.

Aktsııa qorytyndysy boıynsha qala turǵyndary atalǵan bastamany oń baǵalap, onyń tájirıbelik mańyzdylyǵyn atap ótti.

Osyǵan deıin Túrkistan oblysynda prokýratýra 41 zańsyz ákimshilik isti kelisýge jol bermegenin jazdyq.