«Stepnogorsk-EPK» AQ bıyl iri gabarıti podshıpnıkter shyǵarmaq
KÓKShETAÝ. QazAqparat - Aqmola oblysynyń əkimi Məlik Myrzalın Stepnogorsk qalasyndaǵy ónerkásip aýmaǵynda ornalasqan «Stepnogorsk-Eýropalyq podshıpnık korporatsııasy» aktsıonerlik qoǵamynyń jumysymen tanysty, dep habarlaıdy «QazAqparat» HAA tilshisi.
Zaýyt basshysy Anatolıı Tomılovtyń aıtýynsha, atalmysh kásiporyn osyǵan deıin jolaýshylar jáne júk vagondaryna, teplovozdar men elektrovozdarǵa qajetti podshıpnıkter shyǵaryp kelgen bolatyn. Sońǵy kezderi temirjol salasynan suranys azaıǵan soń kásiporyn eýropalyq úlgidegi podshıpnıkterdiń jańa túrin shyǵarýdy qolǵa ala bastaǵan.
«2012 jyly kásiporynǵa «EPK-Máskeý» ashyq aktsıonerlik qoǵamynyń podshıpnık óndirisi nomenklatýrasyn aýystyrý» ınvestıtsııalyq jobasy aıaqtaldy. Máskeýde jabylyp qalǵan zaýyttan qajetti bólshekter tasymaldandy. Ol jaqtan munda 370 qondyrǵy jetkizildi. Osynyń arqasynda ótken jyldyń qorytyndysy boıynsha zaýytta 12 myń tonnaǵa jýyq podshıpnık nemese 11,5 mıllıard teńgeniń ónimi shyǵaryldy.
Bıylǵy jyldyń alǵashqy eki aıynda jańa úlgidegi 2063 myń tonna podshıpnık nemese 2,1 mıllıard teńgeniń ónimi óndirildi. Daıyn ónim Qazaqstan men Reseı naryqtaryna saýdaǵa shyǵarylýda. Jańa ónimge suranys artýda. Keleshekte zaýyt bul kórsetkishti odan ári asyrýdy mejelep otyr. Sonymen qatar bıyl dıametri 800 mm iri gabarıti 115 túrli podshıpnıkter shyǵarýdy josparlap otyrmyz», - dedi kásiporyn basshysy Aleksandr Tomılov.
Kəsiporyn jumysymen tanysqan aımaq basshysy óndiris qarqynyn arttyrý qajettigin atap ótti.
«2016 jyly júzege asyrylǵan ÚIID baǵdarlamasynyń arqasynda podshıpnıkter nomenklatýrasy keńeıip, sońǵy jyldardyń nətıjesi boıynsha óndiris kóleminiń artýyna qol jetkizildi. Bıylǵy jyly da óndiris kólemin arttyrýdyń oń dınamıkasyn saqtap qalý qajet», dedi aımaq basshysy Myrzalın.
