Stepnogorǵa 53 jyl: «RE-BIOMED» ǵylymı ortalyǵy paıdalanýǵa berildi
KÓKShETAÝ. QazAqparat - Aqmola oblysy Stepnogor qalasynyń 53 jyldyǵyna oraı shaharda eshqandaı hımııalyq qospasyz otandyq bıokosmetıka shyǵaratyn «RE-BIOMED» ǵylymı ortalyǵy paıdalanýǵa berildi, dep habarlaıdy QazAqparat tilshisi.
Saltanatty sharaǵa qala əkimi Ənýər Kúmpekeev, QR Parlamenti Senatynyń depýtaty Dəýren Ədilbekov, QR Prezıdenti Əkimshiliginiń memlekettik ınspektory Qaldybek Bəıimbetov jəne qala turǵyndary qatysty.
Investıtsııalyq jobanyń quny 1 mıllıon AQSh dollaryn quraıdy. Munda betke arnalǵan sergitkish (tonık) jáne jaqpamaı tárizdi bıokosmetıka túrleri shyǵarylady.
Ortalyq qalanyń 50 jyldyǵyna tartý retinde iske qosylyp otyr. Kásiporyn basshysy Jánibek Kenjebaevtyń aıtýynsha, «RE-BIOMED» kompanııasynyń bıokosmetıkalarynda hımııalyq qospalar joq. Taza organıkalyq komponentterden turady. Sol sebepti de qoldanǵan kezde uzaq merzimde jáne 70 paıyz jaqsy áser etedi.
«Kompanııa mamandary Kanada jáne Germanııa elderinde daıyndyqtan ótedi. Qazirgi kezde kásiporynda jergilikti 15 adam eńbek etýde. Kásiporynyń jyldyq qýaty 3 mıllıon quty 20 mıllıon ampýl ónim shyǵarýǵa jetedi. Al ónimniń baǵasyna keletin bolsaq, árbir bıokosmetıkalyq zattyń quny 3-7 myń teńge aralyǵynda saýdaǵa shyǵarylatyn bolady. Qazirgi kezde saýda nútkeleri anyqtalýda. Ónimdi negizinen Qazaqstan men Reseıge naryǵyna shyǵarý josparda bar», - deıdi J. Kenjebaev.
