Stepnogorde jylý berý júıesi qalpyna keltirildi - qala ákimi

Stepnogor qalasynyń ákimi Alpysbaı Qaıyrjanov jylý júeısiniń jaǵdaı týraly aıtyp berdi, dep habarlaıdy Kazinform tilshisi.

- Jylý berýj júıesi qalpyna keltirildi. Aldaǵy ýaqytta mundaı jaǵdaı bolmaıdy dep úmittenemiz. Bizde tranzıttik qubyrlar bar, olardy ózgertý kerek. Bul shamamen 19 km jylý qubyrlary, jobalyq-smetalyq qujattamasyn jasaımyz, sodan keıin jańartýǵa kirisemiz. 88 km-bul «Stepnogorsk Teplotranzıt» JShS tıesili magıstraldyq jylý jelisi, olar jobany ázirlep, nesıeleý esebinen jóndemekshi. ıAǵnı, qalaǵa jetetin magıstraldyń ózin kásiporyn óz qarajaty esebinen jóndeýdi josparlap otyr, - dedi ákim Alpysbaı Qaıyrjanov.

Qala ákimdigi óz kezeginde ótken jyly apat bolyp, 10-15 úı jylýdan ajyratylǵan 29 km kúrdeli ýchaskeni qabyldady.

- Apat bolǵan jylý magıstrali tozǵan. Jalpy, qala boıynsha jelilerdiń tozýy 82 paıyzdy quraıdy. Qazirgi ýaqytta negizinen 2 shaǵynaýdanda problemalar bar. Sonymen qatar, ótinimderdi qabyldaýdy jalǵastyramyz, - dep tolyqtyrdy qala basshysy.

1-shi shaǵynaýdanǵa keletin bolsaq, onda sý aǵyzylyp otyrady, óıtkeni keıbir jerlerde ystyq sýda aınalym joq. Bul sýdyń aınalysy jáne qatyp qalmaýy úshin jasalady.

- Qatty aıazǵa baılanysty qubyrlar qatyp qalmas úshin olardan sý aǵyzylyp otyrady. Bul jumystar jalǵasady. Ótinimderdi PIK tóraǵalary qabyldaıdy, olar keıinnen shtabqa joldaıdy. Qazirgi ýaqytta PIK tóraǵalary úılerdi aralap, tekserý júrgizýde, - dep atap ótti qala ákimi.

Aıtýynsha, qalpyna keltirý jumystary aıaqtalǵannan keıin úılerdi jóndeý boıynsha turǵyndarmen kezdesý ótkizý josparlanýda.

Eske sala ketsek, jylý jelisiniń tozýy saldarynan Stepnogor qalasynda 7-9 shaǵyn aýdandar arasynda apatty jaǵdaı boldy. Kommýnaldyq qyzmetter jedel áreket etkenine qaramastan, qatty aıaz ben qysymnyń kóterilýi apatqa ákelip soqty.

Demeýshilik qarajat esebinen turǵyn úılerdiń birinde joǵarǵy qabattaǵy jylý jelisi tolyǵymen aýystyryldy. Qazirgi ýaqytta jylý berý qalpyna keltirildi, JEO shtattyq rejımde jumys istep tur. Úsh energetıkalyq qazandyq jáne bir sý jylytý qazandyǵy iske qosylǵan.