Stepnogorde turǵyndar jylýsyz jáne elektr jaryǵynsyz qaldy

KÓKShETAÝ. KAZINFORM – Stepnogor qalasynda jylý energııa ortalyǵyndaǵy apatqa baılanysty turǵyndar jylý jáne elektr jaryǵynan ajyratyldy. Qala ákimdigi qazirgi kezde qalpyna keltirý jumystary júrgizilip jatqandyǵyn málim etti.

«10 aqpanda saǵat 13:27–de 220kV KEGOK jelisi boıynsha elektr energııasy sóndirildi, 14:07-de elektr energııasyn berý qalpyna keltirildi, 14:15-te besinshi energetıkalyq qazandyq pen sý jylytý qazandyǵyn jaǵý bastaldy, 14:20-da jylý trassasynda aınalymdy qalpyna keltirý úshin jelilik sorǵy iske qosyldy, «Stepnogorsk Teplotranzıt» JShS sorǵylardy iske qosady», - delingen Stepnogor qalasy ákimdiginiń málimetinde.

Osy rette, ákmidik turǵyndardy sabyrly bolýǵa jáne tek resmı derekkózderge senýge shaqyrdy.

Aıta ketsek, budan buryn Aqmola oblysynda jyldyń alǵashqy kúnderi eki aýyldyń halqy jaryqsyz qalǵanyn jazǵan edik.