Stepnogorde órt shyqqan pəterden 31 jastaǵy er adamnyń múrdesi tabyldy
KÓKShETAÝ. QazAqparat- Aqmola oblysynyń Stepnogor qalasynda órt shyqqan pəterden 31 jastaǵy er adamnyń múrdesi tabyldy. Bul týraly QR TJK resmı ókili Rýslan Imaqulov málimdedi, dep habarlaıdy QazAqparat tilshisi.
Onyń aıtýynsha, 2017 jyldyń 12 jeltoqsanynda saǵat 15:50-ler shamasynda Stepnogor qalasynyń №16 mamandandyrylǵan órt bóliminiń baılanys pýnktine №5 shaǵyn aýdanda turǵyn úıdegi pəterde órt bolyp jatqandyǵy týraly aqparat túsken.
Tilsiz jaýdyń saldarynan 17 adam, onyń ishinde 3 bala qaýipsiz jerge shyǵaryldy. Oqıǵa ornynan 1986 jylǵy er adamnyń múrdesi tabyldy.
Qazirgi kezde is materıaldary Stepnogor qalalyq ІІB tapsyrylyp, oqıǵanyń mən-jaıy anyqtalýda.
Aıta ketý kerek, aǵymdaǵy jyldyń 11 aıynda respýblıka boıynsha barlyǵy 8 myń 891 órt oqıǵasy tirkeldi. Órt sóndirý bólimsheleri 998 adamdy (onyń ishinde 241 bala) qutqardy.
