Stepnogorde munaı óńdeıtin shaǵyn zaýyt ashyldy
KÓKShETAÝ. QazAqparat - El təýelsizdiginiń 25 jyldyǵyna oraı Stepnogor qalasynda "Neftıanoı Dom Astan-Oıl" JShS-niń munaı óńdeıtin shaǵyn zaýyty ashyldy, dep habarlaıdy "QazAqparat" HAA tilshisi.
Bul Aqmola oblysy aýmaǵyndaǵy joǵary sapaly qysqy dızel otynyn óńdeıtin alǵashqy zaýyt. Óńirlik ındýstrııalandyrý kartasyna engizilgen jobanyń quny 1,3 mıllıard teńgege baǵalanyp otyr. Zaýyttyń qýaty jylyna 150 myń tonna ınnovatsııalyq jolmen, eýro standarttarǵa saı keletin joǵary sapaly dızel otynyn shyǵarýǵa jetedi.
Kásiporynnyń ashylýy saltanattyna qatysqan qala ákimi Ənýar Kúmpekeev zaýyttyń otandyq ónim shyǵarýdaǵy mańyzdylyǵyn atap ótti. Sondaı-aq, zaýyt basshylyǵyna óz janar-jaǵar maı quıý stansasyn ashýdy da usyndy.
"Neftıanoı Dom Astan-Oıl" JShS məlimeti boıynsha QR dızel otynyna degen suranys 400 myń tonna bolsa, onyń 150 myń tonnasy osy zaýytta óndiriletin bolady. Sonymen qatar, jańa kəsiporynnyń ashylýy 15 adamdy turaqty jumyspen qamtyp otyr. 
