Stepnogorda medıtsınalyq anyqtamalardy qoldan jasaý deregi anyqtaldy
KÓKShETAÝ. KAZINFORM — Stepnogor qalasynda medıtsınalyq anyqtamalardy qoldan jasaý deregi anyqtaldy.
Aqmola oblysy prokýratýrasy baspasóz qyzmetiniń málimetinshe, Stepnogor qalasynyń prokýratýrasy keıinnen jumysqa qabyldaý nemese ruqsat qujattaryn, onyń ishinde júrgizýshi kýáligin alý kezinde paıdalanylǵan medıtsınalyq tekserýden ótý týraly anyqtamalardy qoldan jasaý derekterin áshkerledi.
«Azamattardyń belgili bir aqyǵa «Sh» esimdi azamattan medıtsınalyq mamandardyń naqty tekserýinsiz medıtsınalyq tekserýden ótkeni týraly jalǵan anyqtamalar satyp alǵany anyqtaldy. Tekserý qorytyndysy boıynsha kúdiktige qatysty Qylmystyq kodekstiń 385-baby 2-bóligi boıynsha sotqa deıingi tergep-tekserý bastaldy. Medıtsınalyq anyqtamalardy qoldan jasaýdyń joly kesildi», — dedi vedomstvodan.
Aıta ketsek, budan buryn Aqmola oblysynda mektep basshylyǵy balany mektepke qabyldamaı qoıǵanyn jazǵan edik.
