Stepnogorde qaýipsiz emes balalar oıyn alańy anyqtaldy – prokýratýra
Stepnogor qalasynyń prokýratýrasy kámeletke tolmaǵandardyń qaýipsizdigin qamtamasyz etý boıynsha taldaý júrgizdi.
Stepnogor aýmaǵynda 35 alań bar, olardyń jaı-kúıi qanaǵattanarlyqsyz. Al keıbir jaǵdaıda olardy odan ári paıdalaný balalardyń jaraqattanýyna jáne asa aýyr zardaptarǵa ákep soǵýy múmkin.
«Mysaly, osy jyldyń sáýir aıynda 9 shaǵyn aýdanyndaǵy oıyn alańynda kámeletke tolmaǵan jasóspirimniń dene jaraqatyn alǵany jáne oǵan medıtsınalyq kómek kórsetilgeni anyqtaldy, dıagnoz: «ústingi ıektiń jaraqaty». Dene jaraqatyn shybyqqa iligý arqyly alǵan», - dedi Aqmola oblysy prokýratýrasynyń baspasóz qyzmetinen.
Sondaı-aq prokýratýra qyzmetkerleri osyndaı tórt balalar oıyn alańyn anyqtady. Atalǵan alańdarda balalardyń dene jaraqat alý derekteri bar.
«Júrgizilgen taldaý barysynda jergilikti atqarýshy organdar tarapynan ózge de zań buzýshylyqtarǵa oryn berilgeni anyqtaldy. Qadaǵalaý aktisimen aqaýy bar balalar alańdary tıisti jumystar júrgizý arqyly sáıkestikke keltirildi. Osyǵan oraı 7 123 kámeletke tolmaǵan balalardyń quqyqtary qorǵaldy jáne 1 laýazymdy tulǵa tártiptik jaýapqa tartyldy», - dep tolyqtyrdy vedomstvodan.
Aıta ketsek, budan buryn Aqmola oblysyndaǵy balalar lagerinde samogon apparaty, pnevmatıkalyq qarý tabylǵanyn jazǵan edik.
