Stepnogorde kásipker qarııaǵa qaraqshylyq jasaǵan kúdiktiler ustaldy
KÓKShETAÝ. QazAqparat - Aqmola oblysynyń Stepnogor qalasynda 68 jastaǵy qarııanyń ólimine ákelip soqtyrǵan qaraqshylyq shabýyl jasaǵan 18 jáne 22 jastaǵy kúdiktiler ustaldy, dep habarlaıdy QazAqparat tilshisi oblystyq Polıtsııa deparamentiniń baspasóz qyzmetine silteme jasap.
Vedomstvonyń málimetinshe, 2020 jylǵy qazannyń 5-de saǵat 11:00 Stepnogor qalalyq PB kezekshilik bólimine 71 jastaǵy jergilikti turǵyn habarlasyp, 68 jastaǵy inisiniń óz páterinde denesin tapqanyn aıtqan. Er adam jalǵyz turǵan.
«Aıtylǵan mekenjaıǵa jetken tártip saqshylary er adamnyń bireýdiń qolynan qaza bolǵanyn anyqtady. Sot-medıtsınalyq saraptamanyń qorytyndysy boıynsha, er adam júrektiń aterosklerottyq aýrýy nátıjesinde júrek kemistiginen kóz jumǵan», -deıdi vedomstvodan.
Jedel izdestirý sharasy barysynda tártip saqshylary er adamnyń ózinikinen bólek, taǵy bir páterdi 5 jyl boıy táýlikke jalǵa berip turǵanyn anyqtady. Keıin belgili bolǵandaı, kúdiktiler osy páterdi jalǵa alyp kelgen.
«Keshendi jedel - izdestirý sharasy barysynda Makınsk qalasynyń 18 jáne 22 jastaǵy eki turǵyny ustaldy. Kúdiktiniń bireýi urlyq úshin birneshe ret isti bolǵan. Kúdiktiler er adamnyń 150 000 teńge aqshasy men páterdiń kilti jáne qol saǵatyn alyp ketken. Alaıda, úıden ketkende er adam tiri bolǵan. Kúdiktilerden túsinikteme alynyp, olar atalmysh qylmysty sybaılasyp jasaǵanyn moıyndady», - dep tolyqtyrdy vedomstvodan.
Qazirgi kezde, kúdiktilerdiń ýaqytsha ustaý oqshaýlaǵyshyna qamalyp, Qylmystyq kodekstiń 192 babynyń 3 bóligi «qaraqshylyq» jáne 104 babynyń 1 bóligi «abaısyzda adam óltirý» boıynsha qylmystyq is qoǵaldy.
