Stepnogorde bopsalaýshylar toby ustaldy
KÓKShETAÝ. KAZINFORM – Stepnogorde bopsalýshylar toby ustaldy. Aldyn ala málimet boıynsha olardan alty adam japa shekken.
Aqmola oblysy PD baspasóz qyzmetiniń málimetinshe, kúdiktiler PD Uıymdasqan qylmysqa qarsy kúres basqarmasynyń qyzmetkerleri júrgizgen jedel-izdestirý is-sharalarynyń barysynda qolǵa tústi.
Anyqtalǵandaı, kúdiktiler Astana jáne Stepnogor qalasy aýmaǵynda birqatar bopsalaý qylmysymen aınalysqan. Top múshleri birneshe aı boıy qorqytý, kúsh qoldaný arqyly jergilikti turǵyndardy, negizinen kásiporyn jumysshylaryn, sondaı-aq jastardy mobıldi qosymshalar arqyly ártúrli nesıeler alýǵa májbúr etken. Qorqytyp, zańsyz ıemdengen aqsha men taýarlardy óz qalaýlary boıynsha paıdalanǵan.
«Qazirgi ýaqytta alty adamnyń jábir kórgeni anyqtaldy, olarǵa keltirilgen zalaldyń kólemi shamamen 8 mıllıon teńgeni quraıdy. Ustalǵan qylmystyq toptyń 6 múshesiniń úsheýi ýaqytsha ustaý oqshaýlaǵyshyna qamaldy. Bopsalaý derekteri boıynsha sotqa deıingi tergeý amaldary qolǵa alyndy», — dedi vedomstvodan.
Aıta ketsek, budan buryn kókshetaýlyqtyń 12 mln teńge aqshasyn jymqyrǵan dropper 3,5 jylǵa sottalǵanyn jazǵan edik.
