Stepnogordaǵy sý qoımasy tazartylady
KÓKShETAÝ. QazAqparat – 2020 jyldyń basynda Aqmola oblysynyń Stepnogor qalasyndaǵy «Sopka – 305» sý qoımasyndaǵy sý tazalaý nysandaryn jańǵyrtý jumystaryn aıaqtaý josparlanǵan. Bul týraly QazAqparat tilshisi oblystyq energetıka jáne turǵyn úı-kommýnaldyq sharýashylyǵy basqarmasyna silteme jasap habarlaıdy.
Vedomstvonyń málimetinshe, búgingi kúni sý qoımasyndaǵy kire beris baqylaý, jylý beketteri ǵımarattary, nasos jáne súzgi stansalarynda motajdaý jumystary aıaqtaldy. Sonymen qatar, tehnologııalyq jabdyqtardy ornatý, elektrmen jabdyqtaý jelisin ornalastyrý jáne sý rezervýaryna tehnıkalyq qyzmet kórsetý jumystary aıaqtalýǵa jaqyn. «Nurly jol» baǵdarlamasy boıynsha qolǵa alynǵan jobanyń quny shamamen 5,6 mlrd teńgeni qurap otyr.
«Atalmysh joba ınnovatsııalyǵymen erekshelinedi. Qazirgi zamańǵy tehnologııany engizý arqyly qala turǵyndary paıdalanylatyn aýyz sýdyń sapasy jaqsara túsedi», - deıdi Aqmola oblystyq energetıka jáne turǵyn úı-kommýnaldyq sharýashylyǵy basqarmasy qurylys, sý jiberý jáne sýmen jabdyqtaý nysandaryn paıdalaný bóliminiń basshysy Nurjan Bostan.
Jobany júzege asyrý qolǵa alynǵannan bergi merdigerlerdiń «Sopka – 305» sý qoımasyndaǵy sý tazalaý nysandaryn jańǵyrtý jumystary Aqmola oblysynyń ákimdigi men oblystyq oblystyq energetıka jáne turǵyn úı-kommýnaldyq sharýashylyǵy basqarmasynyń baqylaýynda boldy.
