Stepnogordaǵy apatty jaǵdaı: Jylý qazandyǵyn qalpyna keltirý jumysy júrip jatyr
NUR-SULTAN. QazAqparat – QR Energetıka mınıstrligi Stepnogordaǵy jylý elektr ortalyǵynda bolǵan apatty jaǵdaı jaǵdaıǵa qatysty túsinik berdi, dep habarlaıdy QazAqparat tilshisi atalǵan mınıstrliktiń baspasóz qyzmetine silteme jasap.
«25 naýryzda Stepnogorsk JEO bý qyzdyrǵyshynda tesik sańylaý paıda bolǵandyqtan KA-3 avarııalyq jaǵdaıda toqtatyldy. 26 naýryzda bý qyzdyrǵyshtyń tóbesinde tesik sańylaý tabylyp, KA-5 avarııalyq jaǵdaıda toqtatyldy. Aýa raıynyń qolaısyzdyǵyna baılanysty, jylý tasyǵyshtyń temperatýrasynyń kúrt tómendeýine jol bermeý maqsatynda 25 naýryzda rezervtegi №4 sý jylytý qazandyǵy iske qosyldy», - delingen habarlamada.
Mınıstrliktiń málimetinshe, qazir 3 energetıkalyq qazandyq agregat jáne 1 sý jylytý qazandyǵy jumys istep tur.
«Stantsııanyń syrtyndaǵy temperatýra 93-95 S, qalaǵa kire beristegi temperatýra 71 S. Qazirgi ýaqytta apattyq sóndirýlerdi joıý boıynsha táýlik boıy jumys isteıtin brıgadalar uıymdastyryldy. Jaqyn arada apatty qalpyna keltirý jumystary aıaqtalady», - deıdi vedomstvodan.
Buǵan deıin Stepnogordaǵy JEO jylý júıelerindegi aqaýdan, birneshe shaǵynaýdandaǵy kóptegen turǵyn úıler jylýsyz qalǵany týraly habarlaǵan edik.
