Stepnogorda jylyna 5 mln tonna altyn rýdasyn óndiretin zaýyt iske qosylady

KÓKShETAÝ. QazAqparat – Aldaǵy maýsym aıynda Stepnogor qalasynda jylyna 5 mln tonna altyn rýdasyn óndiretin zaýyt iske qosylady. Іri jobanynyń arqasynda 600 jańa jumys ornyn ashý josparlanýda. Bul týraly brıfıngide qala ákimi Erkebulan Baıahmetov málim etti, dep habarlaıdy QazAqparat tilshisi.

Qala ákiminiń aıtýynsha, jobany «Aqsý Teshnology» jaýapkershiligi shekteýli seriktestigi qolǵa alyp otyr.

«Aqsý kentinde rýda óńdep, altyn rýdasyn óndiretin zaýyt qurylysy boıynsha iri aýqymdy jobany iske asyrý aıaqtalýǵa jaqyn. Osy jobanyń arqasynda 600 jańa jumys orny ashylatyn bolady. Sonymen qatar, «Neftıanoı dom Astana Oıl» seriktestiginiń qatysýymen «Qazyna Kapıtal Menedjment» aktsıonerlik qoǵamy shaǵyn munaı óńdeý zaýytyn jańǵyrtý boıynsha jobany júzege asyrýda. Bul dızel otynyn óndirýge jáne sapasyn jaqsarýtǵa múmkindik beredi», - dedi Erkebulan Baıahmetov.

Qala ákimi atap ótkendeı, respýblıkalyq Indýstrııalandyrý kartasy jáne Aqmola oblysynyń kásipkerlikti damytý kartasynyń jobalary boıynsha Stepnogorda 19 mıllıard teńgeniń taýar ónimi óndirildi.