Stepnogorda jumysshy elektr baǵanynan qulap, mert boldy

Aqmola oblysynda 35 jastaǵy jumysshynyń ólimine baılanysty qylmystyq is qozǵalyp, sotqa deıingi tergeý amaldary júrgizilýde, dep habarlaıdy QazAqparat tilshisi PD baspasóz qyzmetine silteme jasap.

Vedomstvonyń málimetinshe, qaıǵyly jaǵdaı Stepnogor qalasyna qarasty Zavodskaıa kentinde bolǵan. Bul týraly qalalyq polıtsııa basqarmasyna jedel járdem stantsııasynyń feldsheri habarlap aıtqan.

Belgili bolǵandaı, jergilikti kásiporynda elektr baǵanynda jóndeý jumystary kezinde 35 jastaǵy jumysshy (Aqkól qalasynyń turǵyny) beton baǵanmen birge jerge qulap, mert bolǵan.

"Osy derekke baılanysty Qylmystyq kodekstiń 156 babynyń 3-bóligi «Eńbekti qorǵaý erejelerin buzý» boıynsha sotqa deıingi is qozǵalyp, tergeý amaldary júrgizilýde. Sot-medıtsınalyq saraptamasy taǵaıyndaldy. Sonymen birge, memlekettik eńbek ınspektory oqıǵanyń mán-jaıyn anyqtaýda", - dedi vedomstvodan.

Aıta ketsek, budan buryn Aqmola oblysynda taǵy bir jumysshynyń óndiris ornynda jaraqat alǵanyn jazǵan edik.