Stepnogorda joǵalǵan mektep oqýshysy tanystarynyń úıinde bolǵan
KÓKShETAÝ. QazAqparat - Aqmola oblysynyń Stepnogor qalasynda iz-túzsiz joǵalǵan mektep oqýshysy tabyldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimeti boıynsha aǵymdaǵy jyldyń 5 qyrkúıeginde Stepnogorsk qalasynyń ІІB-ne er adam habarlasyp, úı aýlasyna oınaýǵa shyqqan 8 jastaǵy balasynyń úıine qaıtyp oralmaǵanyn aıtqan.
«Jedel-izdestirý sharasyna Stepnogorsk ІІB jeke quramy tartyldy. Nátıjesinde 2009 jylǵy búldirshin 6 qyrkúıek kúni keshki saǵat 5-6 shamasynda aman-esen tabyldy. Balanyń tanystarynyń úıinde bolǵany anyqtaldy. Qazirgi kezde ol ata-anasynyń qolyna tapsyryldy», dep túsindirdi polıtseıler.
