Stepnogorda jaýynger qart adamdy qutqaryp qaldy

ASTANA. QazAqparat - Ulttyq ulan jaýyngeri Ańsar Rústem keshe tańerteń úıinen qyzmetke shyǵa bere, qobaljyǵan kórshisine nazar aýdarady. Sóıtse, beker emes eken. Egde jastaǵy áıel adam jas jigitke birden mán-jaıdy aıtyp, esinen tanyp qalǵan joldasyna kómek kórsetýin suraıdy.

QR Ulttyq ulany baspasóz qyzmetiniń habarlaýynsha, ýaqyt joǵaltpastan jaýynger birden úıge kirip, jýynatyn bólmede esinen tanyp jatqan kórshisin baıqaıdy. Mundaı sátterde ne isteý kerektiginen habardar Ańsar qart adamnyń tamyr qaǵysyn tekserip, alǵashqy dárigerlik kómek kórsetedi. Budan soń jedel járdem qyzmetin shaqyrady.

Osylaısha dereý qabyldanǵan sheshim arqasynda Amanjol Úkibaev ajaldan aman qaldy. Al jaýynger bolsa, óziniń bul áreketin kez kelgen azamattyń adal boryshy dep sanaıdy. Qutqarylǵan adamnyń otbasy Ańsarǵa qol ushyn bergeni úshin úlken rızashylyǵyn bildirdi.