Stepnogorda jastarǵa arnalǵan kovorkıng ortalyq ashyldy

STEPNOGOR. QazAqparat - El Táýelsizdiginiń 30 jyldyǵy aıasynda Stepnogor qalasynda jastarǵa arnalǵan kovorkıng ortalyǵynyń ashylýy ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Qalalyq ákimdiktiń baspasóz qyzmetiniń málimetinshe, jańa ortalyq «Gornıak» ortalyq mádenıet saraıynda ornalasqan.

Demalys nysany bir ýaqytta 30-50 adamdy qabyldaı alady. Kovorkıng ortalyǵy zamanaýı talaptarǵa saı jabdyqtalǵan.

Munda jastarǵa bos ýaqytyn tıimdi uıymdastyrýǵa, jan-jaqty damýǵa jáne túrli jobalardy iske asyrýǵa múmkindik bar. Ortalyqqa barý tegin.

Qala jastaryn Stepnogor ákimi Alpysbaı Qaıyrjanov ortalyqtyń ashylýymen quttyqtady.

«Qala kún saıyn ósip, órkendep keledi. Qalada kóptegen aýqymdy jobalar jastar úshin júzege asyrylýda. Búgin ashylǵan ortalyq jas urpaqtyń jańa ıdeıalary men bastamalarynyń alańyna aınalatynyna senimdimin. Ákimdik tarapynan jastarǵa qoldaý kórsetýge árqashan daıynbyz», - dedi qala ákimi.

Kovorkıng ortalyǵynyń ashylýyn qalanyń belsendi jastary qýana qabyldady.

«Biz úshin ózin-ózi taný jáne shyǵarmashylyq damý úshin únemi jańa jaǵdaılar jasalatyny qýantady. Endi taǵy bir ortalyq paıda boldy, onda jastar ýaqytty tıimdi ótkizip, damıtyn bolady. Qala basshylyǵyna jan - jaqty qoldaý kórsetkenderińiz úshin alǵys aıtamyz», - dedi jastar uıymynyń belsendisi Janar Kárimova.

Aıta ketsek, Stepnogorde jastardyń bos ýaqytyn uıymdastyrý úshin úsh kovorkıng-ortalyq jumys isteıdi.