Stepnogorda jarylǵysh zat qoıylǵandyǵy týraly jalǵan habar bergen kúdikti ustaldy
KÓKShETAÝ. QazAqparat - Aqmola oblysynyń Stepnogorsk qalasynda «bomba» qoıǵan er adam ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, maýsymnyń 10-da saǵat 22:00 Stepnogorsk qalalyq PB kezekshilik bólimine belgisiz er adam qońyraý shalyp turǵyn úılerdiń birine jarylǵysh zat qoıylǵanyn aıtqan.
«Oqıǵa ornyna jedel túrde qalalyq PB jeke quramy, jarylǵysh-tehnıka mamandary, kınologtar men arnaıy úıretilgen ıisshil ıtter tartylyp, jarylǵysh zat qoıylýy múmkin aımaqty tintip shyqty. Polıtsııa qyzmetkerleri 40 turǵyndy qaýipsiz jerge shyǵardy. Keshendi jedel izdestirý sharasy kezinde jarylǵysh zat tabylǵan joq. Esesine jalǵan aqparat taratqan 1991 jylǵy jergilikti turǵyn ustaldy. Kúdikti «bombanyń» qoıylǵandyǵy týraly habarlaǵan kezde masań kúıde boldy», deıdi vedomstvonyń baspasóz qyzmetindegiler.
Qazirgi kezde, osy oqıǵa baılanysty QR QK 273 baby boıynsha (terrorızm týraly jalǵan málimet berý) boıynsha is qozǵalyp, sotqa deıingi tergeý amaldary júrgizilýde.
