Stepnogorda turǵyn úıdegi órtte 35 adam evakýatsııalandy
KÓKShETAÝ. QazAqparat - Stepnogor qalasynda kópqabatty turǵyn úı órtenip, 35 adam qaýipsiz jerge shyǵaryldy, dep habarlaıdy QazAqparat tilshisi Aqmola oblystyq TJD baspasóz qyzmetine silteme jasap.
Vedomstvonyń málimeti boıynsha, oqıǵa naýryzdyń 7-de oryn aldy. Órt kópqabatty turǵyn úıdiń birinshi qabatyndaǵy páterlerdiń birinen shyǵypty.
«Órt kezinde atalmysh páterde 3 bala bolǵan. Abyroı bolǵanda tútinniń ıisin sezgen kórshileri balalardy qutqaryp, 101 telefon nómirine habarlasqan. Jalyn 30 sharshy metr aýmaqty sharpydy. Oqıǵa ornyna jetken órt sóndirýshiler kórshi páterdegi ózdiginen júre almaıtyn 3 áıeldi qutqardy. Jalpy, túttiniń jaıylýyna baılanysty sol mańdaǵy páterlerde turatyn barlyǵy 35 adam qaýipsiz jerge shyǵaryldy. Oqys oqıǵadan eshkim zardap shekpedi. Qazirgi kezde órttiń shyǵý sebebi men keltirilgen materıaldyq shyǵyn kólemi anyqtalyp jatyr», - dedi Aqmola oblystyq TJD baspasóz hatshysy Dınara Esenbaeva.
