Stepnogorda sottalǵandardyń ruqsatsyz júrýine jol bermeıtin júıe iske qosyldy
ASTANA. KAZINFORM — Stepnogordaǵy №5 mekemede jańa baqylaý júıesi ornatyldy.
Bıyl qala prokýratýrasynyń yqpalymen Stepnogor qalasynyń QAJ mekemeleriniń materıaldyq-tehnıkalyq bazasyn nyǵaıtýǵa jergilikti bıýdjetten qarajat bólý máselesi oń sheshimin tapty.
— № 5 mekemede qoljetimdilikti baqylaýdyń zamanaýı beınedomofon júıesi engizildi. Sottalǵan adamǵa mekeme ishinde shyǵý qajet bolǵan jaǵdaıda, ol shaqyrý túımesin basady. Osydan keıin kezekshi bólimniń qyzmetkeri beınebaılanys arqyly onyń jeke basyn sáıkestendirip, shyǵý maqsatyn naqtylaıdy. Tek shyǵýǵa ruqsat berilgennen keıin esik ashylady, al sottalǵan adam ótken soń esik avtomatty túrde jabylady, — delingen habarlamada.
Atalǵan júıe sottalǵandardyń baqylaýsyz júrip-turýyn boldyrmaýǵa, ótkizý rejımin kúsheıtýge, sondaı-aq qyzmetkerler men obektiniń jalpy qaýipsizdik deńgeıin arttyrýǵa múmkindik beredi.
Budan buryn Atyraýdaǵy erler kolonııasyna dron arqyly uıaly telefon kirgizbek bolǵany áshkerelendi.
