Stepnogorda sheıit bolǵan polıtsııa qyzmetkerlerine arnalǵan eskertkish ashyldy
KÓKShETAÝ. QazAqparat - QR Təýelsizdiginiń 25 jyldyǵyna oraı Stepnogor qalasynda qyzmettik paryzyn oryndaý kezinde sheıit bolǵan polıtsııa qyzmetkerlerine arnalǵan eskertkish ashyldy, dep habarlaıdy "QazAqparat" HAA tilshisi oblystyq ІІD baspasóz qyzmetine silteme jasap.
Saltanatty sharaǵa Stepnogor qalasy əkiminiń orynbasary Saǵandyq Shabarov, qalalyq məslıhat hatshysy Ǵalııa Kópeeva, "Nur Otan" partııasynyń qalalyq fılıaly tóraǵasynyń birinshi orynbasary Qajymurat Shəkenov jəne jergilikti quqyq qorǵaý organdarynyń qyzmetkerleri men marqum bolǵan polıtseılerdiń týǵan-týystary qatysty.
"...Qoǵamdyq tərtip saqtaýda, azamattarymyzdyń beıbit, tynysh ómir súrýi úshin óz ómirlerin sarp etken əriptesterimizdiń erligi eshqan umytylmaıdy. Olardyń erligi keleshek urpaq úshin úlgi-ónege...", dedi ІІB basshysy, polıtsııa polkovnıgi Qanat Nurmaǵambetov óz sózinde.
Shara barysynda quqyq qorǵaý organdarynyń ardagerleri de sóz alyp, sheıit bolǵan polıtseılerdiń atyna jyly sózderin arnady.
Smaǵul Tólegenuly Tólegenov, 1953 jyly 15 aqpanda, Omby oblysy, Okoneshnıkovskıı aýdanynyń, Bolshoı Kýst aýylynda dúnıege kelgen. Orta mektepti bitirgennen keıin Tselınograd zooveterınarlyq tehnıkýmyna oqýǵa túsedi. 1973 jyly oqýdy bitirgennen keıin Keńes Armııasy qataryna shaqyrylady. Áskerı boryshyn ótep kelgennen keıin, mamandyǵy boıynsha jumys istedi. 1982 jyly ishki ister organdary qyzmetine ornalasty.
Óziniń qyzmettik jolyn Tselınograd oblysy Sileti aýdandyq atqarý komıteti, ishki ister bóliminiń mılıtsıoneri laýazymynan bastady. 1983 jyly Smaǵul Tólegenuly Tselınograd oblysy, Sileti AІІB medıtsınalyq aıyqtyrǵyshy profılaktıka kabınetiniń bastyǵy laýazymyna taǵaıyndalady. 1990 jyly Smaǵul Tólegenulynyń jumys təjirıbesin, onyń jeke qasıetteri eskerilip, Sileti AІІB Bestóbe APB bastyǵy laýazymyna taǵaıyndaldy. Qyzmet atqarý kezinde Smaǵul Tólegenuly ózin saýatty, uqypty qyzmetker, talapshyl basshy retinde kórsete bildi.
Əriptesteriniń arasynda qurmetti jəne bedeldi bolǵan. Іshki ister organdarynda qyzmet atqarǵan kezinde birneshe ret oblys ІІB basshylyǵy tarapynan marapattalǵan.
1995 jyly 23 qyrkúıekte buzaqylyq ərekettiń jolyn kesý kezinde Smaǵul Tólegenuly atys jaraqatynan qaza tapty.
Qaırat Habdrazaquly Júsibaev polıtsııa salasyna 2003 jyly keldi. 2010 jyly Stepnogor qalalyq ІІB qyzmetke taǵaıyndaıdy. 2012 jyldyń 18 qazanynda qyzmet ústinde mert boldy. 
