Stepnogorda ónerkásip óndirisiniń kólemi artty
KÓKShETAÝ. QazAqparat - Aqmola oblysynyń Óńirlik kommýnıkatsııalar qyzmetinde ótken brıfıngte Stepnogor qalasynyń ákimi Erkebulan Baıahmetov shahardyń áleýmettik-ekonomıkalyq damýynyń 2018 jylǵy qorytyndysy men bıylǵy jyldaǵy josparlary týraly aıtyp berdi, dep habarlaıdy QazAqparat tilshisi.
Qala ákiminiń aıtýynsha, oblys boıynsha ónerkásip óndirisiniń 21,1 paıyzy Stepnogor qalasyna tıesili. Qaladaǵy «Stepnogor EPK», «Qazaqaltyn» TMK», «Stepnogor JEO», «Astana-nan Chemikals», «Qazaqatomónerkásip» KQZ», «Alfa Organık» spırt zaýyty» «Astana - Oıl» Munaı úıi» tárizdi kásiporyndarda óndiris kólemi ulǵaıǵan.
Sonymen qatar, qala mańyndaǵy eldi mekenderde mal sharýashylyǵy, onyń ishinde iri qara men qus ósirýde oń kórsetkishter baıqalady. Shaǵyn jáne orta bıznes salasynan bıýdjetke 2,3 mıllıard teńge salyq tústi. Bul 2017 jyldyń kórsetkishimen salystyrǵanda 10,7 paıyzǵa joǵary. Bólshek saýda aınalymy 27 mıllıard teńgeni qurady.
«2019 jylda bıýdjettiń kirisi transfertterdi esepke alǵanda 11.2 mıllıard teńgeniń kóleminde bolatyny josparlanǵan. Halyqty jumyspen qamtý jáne áleýmettik qorǵaý baǵytynda 732 turaqty jáne 197 ýaqytsha jumys orny ashyldy. 2104 adam jumysqa ornalasty. Tıimdi jumyspen qamtý jáne jappaı kásipkerlikti damytý baǵdarlamasy sheńberinde 745 adam memlekettik kómek aldy. Bilim berý salasynda kadrlarmen tolyǵý 100 paıyzǵa jetip, 26 jas maman jumyspen qamtyldy», deıdi qala ákimi.
Brıfıngte 2019 jyly barlyq mektepterde ІT synyptar ashý josparlanyp otyrǵandyǵy aıtyldy. Budan bólek Bestóbe kentinde jekemenshik balabaqsha jumysyn bastaıdy.
Al, medıtsına salasyna keletin bolsaq, qalalyq emhanaǵa jas mamandardy tartý úshin 5 páter bólindi. Medıtsınalyq joǵary oqý oryndarynda 8 stýdent bilim alýda, olardy keleshekte Stepnogor qalasyna jumysqa ornalastyrý josparda bar. Byltyrǵy jyly «Nurly jol» baǵdarlamasy sheńberinde Shańtóbe kentinde jylý qazandyǵy paıdalanýǵa berildi. QR Ulttyq qordan berilgen bıýdjettik nesıe arqyly Aqsý jáne Zavodskoı kentterinde sýmen jabdyqtaý júıesin qalpyna keltirý jobasy júzege asyrylýda. Sopkı-305 sý tazalaý nysanyn qalpyna keltirý boıynsha joba júzege asady.
Sonymen qatar, qala ákimi qalaishilik kósheler men joldardy jóndeý, jaryq shamdaryn ornatý boıynsha jumystar atqarylyp jatqanyn atap ótti. Máselen, qaladaǵy 4-shi jáne 6-shy shaǵynaýdandardyń aýlaishilik 38 myń sharshy metr joldary jóndeldi. Stepnogor-Ónerkásip aımaǵy aralyǵyndaǵy 2,2 shaqyrym avtokólik joly jóndelip, Aqsý-Bestóbe-Izobılnoe kentteri aralyǵyndaǵy joldarǵa jóndeý jumystary júrgizilýde.
