Stepnogorda medbıke koronavırýs týraly jalǵan aqparat taratqan
KÓKShETAÝ. QazAqparat – Aqmola oblysynyń Stepnogor qalasyna koronavırýs ınfektsııasyn juqtyrǵan naýqastar jetkizilgeni týraly jalǵan aqparat taratqan eki adam ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, sáýirdiń 15-de polıtsııa qyzmetkerleri WhatsApp messenjerine monıtorıng júrgizý kezinde «Otdam! Obmenıaıý!» tobynda Stepnogor qalasyna koronavırýs ınfektsııasyn juqtyrǵandar jetkizilip, jergilikti emdeý mekemesine jatqyzylǵany týraly jalǵan aqparatty anyqtaǵan.
«Jedel izdestirý kezinde jalǵan aqparattyń avtory anyqtaldy. Ol qalalyq aýrýhana bólimshesiniń kishi medbıkesi bolyp shyqty. 41 jastaǵy medbıkeniń ústinen QR ÁQbK 478 baby boıynsha ákimshilik hattama toltyryldy», - dedi vedomstvodan.
Ekinshi jaǵdaı sol kúni WhatsApp messenjerindegi basqa toptan tabyldy. Onyń avtory jeli qoldanýshylaryna Stepnogor qalasynda koronavırýs ınfektsııasyn juqtyrǵandar bar dep habarlaǵan. Belgili bolǵandaı, áıel adam - jergilikti JShS jumysshysy, kásiporynda koronavırýs ınfektsııasynyń aldyn alý sharalary týraly ótken jıyndy durys túsinbegen.
«Aqparatty durys túsinbegen áıel ózinshe topshylap, WhatsApp qoldanýshylarmen bólisken. 43 jastaǵy áıel de QR ÁQbK 478 baby boıynsha ákimshilik jaýapqa tartyldy», - dep tolyqtyrdy vedomstvodan.
Tártip saqshylary azamattardy tek resmı aqparattarǵa ǵana senýge jáne naqtylanbaǵan qańqý sózder men jalǵan aqparatty taratpaýǵa shaqyrady.
