Stepnogorda qutyrýǵa qarsy dári shyǵaratyn tseh iske qosyldy
KÓKShETAÝ. QazAqparat - Búgin Aqmola oblysynyń əkimi Məlik Myrzalınniń qatysýymen QR Tuńǵysh Prezıdenti kúni merekesine tartý retinde Stepnogor qalasynda jabaıy ańdardyń qutyrý vırýsyna qarsy ekpe jəne ósimdik zııankesterine qarsy ınsektıtsıd shyǵaratyn eki jeli iske qosyldy, dep habarlaıdy QazAqparat tilshisi.
Ulttyq bıotehnologııa ortalyǵynyń fılıaly "Ónerkəsiptik bıosıntez" ǴZI" JShS zerthanasynda ashylǵan jeli Ońtústik Koreıa eliniń zerthanalyq qondyrǵylarymen jabdyqtalǵan.
Seriktestik dırektory Darhan Balpanovtyń aıtýynsha, Qazaqstan naryǵyndaǵy ekpeniń 30 paıyzǵa jýyǵy osy zerthana úlesinde.
"Ǵylymı ortalyqtyń janýarlar men ańdardyń barlyq túrlerine qutyrýǵa qarsy ekpe shyǵarýdy qolǵa alyp otyr. Qazirdiń ózinde mamandar 10-ǵa jýyq ekpe túri boıynsha jumys isteýde. Ortalyqta 170 adam jumys isteıdi. Olardyń kóbi bilikti mamandar. Elimizde qutyrýǵa qarsy ekpe tek bizde shyǵarylatyndyqtan, kəsiporynnyń bolashaǵy zor ekenine senimmen aıtýǵa bolady", dep atap ótti kəsiporyn basshysy.
Bul joly zerthana mamandary bul dárilik preparatty túlki, qasqyr tárizdi jabaıy ańdardyń qutyrýyna qarsy jasap otyr. Ony, sondaı-aq, ıt jəne mysyqqa da egýge bolady eken. Al ortalyqtyń osyǵan deıin úı janýarlaryna arnap shyǵarǵan ekpesi qazir elimizde qoldanysta. Negizgi tapsyrys berýshi QR Aýyl sharýashylyǵy mınıstrliginiń Veterınarııa komıteti.
Osy kúni Stepnogor qalasynda «Astana-Nan» JShS ınsektıtsıd shyǵaratyn jańa jeli iske qosyldy.
Atalǵan joba egin sharýashylyǵymen aınalysatyn elimizdiń astyqty óńirlerin asa qajet tyńaıtqyshtarmen, zııankesterden qorǵaıtyn ınsektıtsıdpen qamtamasyz etýge aıtarlyqtaı ıgi yqpalyn tıgizetin bolady. TMD elderiniń aýmaǵynda dál qazirgi kúni hımııalyq tyńaıtqyshtar men hımıkattar shyǵaratyn mundaı iri kásiporyn joqtyń qasy. Sheteldik ozyq tehnologııamen jumys isteıtin zaýyttyń jumysy túgel avtomattandyrylǵan. Kásiporyn ónim quıylatyn ártúrli syıymdylyqtaǵy plastmassa qutylardy da túgel ózi shyǵarady.
Kompanııa búgingi kúni eginshilikke qajetti 30 astam túrli hımııalyq tyńaıtqyshtar, zııankestermen kúreske arnalǵan hımıkattar shyǵarady. Jyl saıyn 15 mıllıon lıtr joǵary sapaly gerbıtsıd pen pestıtsıd óndiredi. Jańa jeli ónim kólemin 1,5 mıllıon lıtrge deıin ulǵaıtýǵa múmkindik beredi. Elimizdiń iri astyqty aımaǵy sanalatyn óńir úshin bul jeliniń berer taǵy bir ıgiligi - egistiktiń gektar bereketin molaıtýǵa aıtarlyqtaı yqpaly bolmaq.
Aslan Ospanov.
