Stepnogorda koronavırýs tirkelgeni týraly aqparat jalǵan – mınıstrlik

NUR-SULTAN. QazAqparat – QR Densaýlyq saqtaý mınıstrligi Stepnogor qalasynda koronavırýs ınfektsııasy tirkelgeni týraly aqparatqa pikir bildirdi, dep habarlaıdy QazAqparat.

«Áleýmettik jelilerde taraǵan Aqmola oblysy Stepnogor qalasynda koronavırýs ınfektsııasy tirkelgeni týraly aqparat shyndyqqa janaspaıdy», - dep jaýap berdi QR Densaýlyq saqtaý mınıstrliginiń resmı ókili Dıas Ahmetshárip QazAqparat tilshisine.

Eske sala ketsek, 2020 jyldyń 11 naýryzyndaǵy jaǵdaı boıynsha Qazaqstanda koronavırýstyń jańa ınfektsııasyna baılanysty 3974 adam baqylaýda tur . Búgingi tańda Qazaqstan Respýblıkasy aýmaǵynda jańa vırýs tirkelgen joq.

Resmı aqparatty Densaýlyq saqtaý mınıstrliginiń Facebook paraqshasynan oqı alasyzdar jáne týyndaǵan suraqtar boıynsha 1406 nómiri boıynsha táýlik boıy jumys isteıtin Call-ortalyǵyna qońyraý shalýǵa bolady.