Stepnogorda bıýdjetten iri kólemde aqsha urlaǵandar úsh jarym jylǵa sottaldy

KÓKShETAÝ. QazAqparat - Stepnogor qalasynyń prokýratýrasy memlekettik bıýdjetten iri kólemdegi aqsha urlaý oqıǵasyn anyqtady, dep habarlaıdy QazAqparat tilshisi Aqmola oblysy prokýratýrasynyń baspasóz qyzmetine silteme jasap.

Vedomstvonyń málimetinshe, «Mektepke deıingi bilim berý uıymdarynda memlekettik bilim berý tapsyrysyn iske asyrý» baǵdarlamasy boıynsha jeke mektepke deıingi bilim berýdi qarjylandyrý máselesin taldaý barysynda «Daryn BB» balabaqshasynyń basshylyǵy aı saıynǵy sýbsıdııalardy alý úshin balalardyń jalǵan derekteri men tizimdikterin bergeni anyqtaldy.

«Alaıaqtyq áreketterdiń nátıjesinde balabaqsha basshylyǵy 3,6 mıllıon teńgeden astam qarajatty jymqyrǵan.

Qala prokýratýrasynyń iri kólemdegi alaıaqtyq oqıǵasy boıynsha bastaǵan sotqa deıingi tergep-tekserý nátıjeleri boıynsha, «Daryn BB» balabaqshasynyń basshylary sot úkimimen 3 jyl 6 aıǵa bas bostandyǵynan shekteldi», deıdi Aqmola oblysy prokýratýrasynyń baspasóz qyzmetindegiler.