Stepnogorda bútin bir otbasy qarbyzdan ýlandy degen aqparat jalǵan bolyp shyqty
KÓKShETAÝ. QazAqparat - Aqmola oblysynyń Stepnogor qalasynda qarbyzdan ýlanǵan otbasy týraly əleýmettik jelide taraǵan aqparat shyndyqqa janaspaıdy. Bul týraly Stepnogor qalalyq aýrýhanasynyń bas dárigeri Danııar Qınaıatov aıtty, dep habarlaıdy "QazAqparat" HAA tilshisi oblystyq densaýlyq saqtaý basqarmasynyń baspasóz qyzmetine silteme jasap.
Bas dárigerdiń sózinshe, sońǵy birer kúnniń ishinde bútin bir otbasy túgili, bir adam da qarbyzdan ýlanyp, aýrýhanaǵa túspegen.
"Bul əleýmettik jeli qoldanýshylardyń taratqan qaýeseti", deıdi bas dáriger.
Sonymen qatar, əleýmettik jeli arqyly halyqty dúrliktirip otyrǵan aqparatty ІІD qyzmetkerleri de joqqa shyǵaryp otyr. Vedomstvonyń baspasóz qyzmetiniń málimeti boıynsha búgingi kúni Stepnogor qalalyq ІІB kezekshilik bólimine qarbyzdan ýlanyp, kóz jumǵan adam týraly eshqandaı aqparat túspegen.
Eske sala keteıik, Djamılııa Karımova esimdi əleýmettik jeli qoldanýshysy Stepnogor qalasynda bútin bir otbasy qarbyzdan ýlanǵany týraly aqparat taratqan. Onda ýlanǵan januıanyń otaǵasy kóz jumyp, əıeli men balasyn dərigerler əreń aman alyp qalǵany jazylǵan bolatyn.
