Stepnogorda basqarma basshysy paramen ustaldy
Qoǵammen baılanys departamentiniń dırektory Arman Berdalınniń aıtýynsha, basqarma basshysymen birge taǵy bir maman jaýapqa tartylyp otyr.
«Sybaılas jemqorlyqqa qarsy is-qımyl ulttyq bıýrosynyń Aqmola oblysy boıynsha departamenti «Stepnogorsk qalalyq qoǵamdyq densaýlyq saqtaý basqarmasy» RMM basqarma basshysy jáne atalǵan mekemeniń mamanyna qatysty sotqa deıngi tergeýdi bastady. Olar Qarabulaq aýyldyq orta mektebiniń asxanasyna sanıtarlyq-epıdemıologııalyq qorytyndy bolmaǵany úshin shara qabyldaımyz dep, jeke kásipkerden para alǵany úshin kúdikke ilindi. Óz kinásin tolyq moıyndady. Sol sebepti qamaýǵa alynǵan joq. Sotqa deıingi tergeý jalǵasýda", - dedi A.Berdalın Astanada ótken baspasóz máslıxatynda.
Aıta keteıik, búgin agenttik Mańǵystaý oblysynyń deneshynyqtyrý jáne sport basqarmasy basshysynyń qamaýǵa alynǵanyn jarııalady. Ol memleket múddesine 1 mıllıard teńgeden astam somaǵa zalal keltirgen. Budan bólek, aǵaıyndy Rysqalıevterdiń sybaılasy qamaýǵa alyndy. Al Qyzylorda oblysy ishki saıasat basqarmasy basshysynyń orynbasary ekstremızmge qarsy sharalarǵa bólingen bıýdjet qarjysyn jymqyrǵan.