Stepnogorda áıel men 4 jasar balany kúıik shaldy
KÓKShETAÝ. QazAqparat – Stepnogorda órt kezinde áıeldi balasymen birge kúıik shaldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, keleńsiz jaǵdaı Aqsý kentinde boldy. Bul týraly keshki saǵat 20:12 kezinde telefon arqyly habarlanǵan. Tilsiz jaýdy aýyzdyqtaýǵa Stepnogor qalasynyń MÓB-3 kezekshilik aýysymy, «Stepnogor» EPK» AQ eki qyzmetkeri, «Stepnogor taý-ken hımııa kombınaty» JShS tórt jumysshysy, sondaı-aq úsh adamnan turatyn jedel top jumyldyryldy.
«Jeke turǵyn úıdiń 60 sharshy metr aýmaǵy órtendi. Saldarynan 25 jastaǵy kelinshek pen 4 jasar balany kúıik shaldy. Qazirgi kezde zardap shekkender Stepnogor qalalyq kópbeıindi aýrýhanasynda em qabyldaýda. Órt saǵat 20:52 aýyzdyqtalyp, 21:25 sóndirildi», – dep atap ótti Aqmola oblystyq TJD bastyǵy Alekseı Sovetov.
