Stepnogorda aıaldamaǵa «bomba qoıǵan» er adam ustaldy
KÓKShETAÝ. QazAqparat - Stepnogor qalasynda jarylys qaýpi týraly jalǵan habar bergen er adam ustaldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, mamyrdyń 10-da saǵat 13:00 Stepnogor qalalyq PB kezekshi bólimine uıaly telefonnan er adam habarlasyp, 5-shaǵynaýdanda jarylǵysh zat qoıylǵanyn aıtqan.
Tekserý barysynda tártip saqshylary eshqandaı bombany tappady.
«Jedel-izdestirý sharasy barysynda polıtsııa qyzmetkerleri 29 jastaǵy jergilikti turǵyndy ustady. Ol 2019 jyly da osyndaı qylmysy úshin jaýapqa tartylǵan» dedi vedomstvodan.
Qazirgi kezde kúdiktiniń ústinen Qylmystyq kodekstiń 273-baby («Terrorızm týraly kórineý jalǵan habarlaý») boıynsha qylmystyq is qozǵaldy.
Kúdikti qamaýǵa alyndy.
Tergeý sharalary jalǵasyp jatyr.
