Stepnogorda ár memqyzmetshige esh sebepsiz 1 mln teńgeden syıaqy berilgen

STEPNOGOR. KAZINFORM — Stepnogor qalasynyń prokýratýrasy memlekettik organnyń qyzmetkerlerine negizsiz syıaqy tóleý faktisin anyqtady.

Memlekettik mekeme 2 jyl ishinde zańnamada belgilengen shyǵystardyń túri boıynsha únemdeý bolmaǵan kezde qyzmetkerlerge 13,4 mln teńge somasyna negizsiz syıaqy bergeni anyqtaldy. Mysaly, tek 3 aıdyń ishinde mekeme 6,6 mln teńge somasyna 6 qyzmetkerge negizsiz syıaqy bergen. Ár qyzmetkerdiń syıaqy mólsheri 1 mln teńgeden asady.

Atalǵan faktiler boıynsha qala prokýratýrasy memlekettik mekemeniń atyna qadaǵalaý aktisin engizdi.

Qazirgi ýaqytta memlekettik bıýdjetke aqshany qaıtarý boıynsha jumys júrip jatyr.