Stepnogorda 220 búldirshinge arnalǵan balabaqsha paıdalanýǵa berildi
KÓKShETAÝ. QazAqparat - Stepnogorda 220 búldirshinge arnalǵan balabaqsha paıdalanýǵa berildi, dep habarlaıdy "QazAqparat" HAA tilshisi qala əkiminiń baspasóz qyzmetine silteme jasap.
"Balaýsa" balabaqshasy burynǵy jetim balalar úıiniń ǵımaratynda ornalasqan. Balabaqshanyń bir ereksheligi oǵan jetim balalar da bara alady. Ǵımarattyń jobalyq qýaty 220 balaǵa arnalǵan bolsa, qazir kezde 115 búldirshinge ruqsat berilgen. Balabaqshanyń óz basseıni bar. Jaqynda jıhaz taǵy basqa qajetti quraldar jabdyqtar satyp alý kózdelip otyr.
Qalaǵa jumys saparymen barǵan aımaq basshysy Sergeı Kýlagın osy balabaqsha ujymymen kezdesti.
Aıta ketý kerek, balabaqshadaǵy qyzmetkerlerdiń barlyǵy balalar úıiniń burynǵy tárbıeshileri. Osy oraıda, oblys əkimi burynǵy balalar úıiniń barlyq qyzmetkerleri jumyssyz qalmaıtynyn atap ótti.
"Olardyń birde-biri jumyssyz qalmaýy tıis", - dedi S.Kýlagın. Sonymen qatar, aımaq basshysy qalada 3-6 jasqa deıingi balalar 100 paıyz balabaqshamen qamtamasyz etilgenin atap ótti.
